الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخولتسجيل الدخول



 

شاطر | 
 

  الولد والفرخة بتاعتو

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة


عضو مبتدىء

عضو مبتدىء
.معلومات.اضافية
اڷمڜارگات »• اڷمڜارگات »• : 83
نقاط التميز »• نقاط التميز »• : 2735
الأنتساب »• : 23/04/2011
الجنس »• الجنس »• : انثى
مرات الشكر »• مرات الشكر »• : 0

معاينة صفحة البيانات الشخصي للعضو
مُساهمةموضوع: الولد والفرخة بتاعتو    الثلاثاء 10 مايو 2011 - 14:40

كان فيه ولد غلبان اوي وعاوز فلوس


(ومش معاه ولا جنيه)




راح لأبوه


وقاله :


بابا اديني 5 جنيه,, أجيب جيلاتي


وبالباقي هشتري كوره


الأب :


امشى من وشي انا مخنوق خلقه


الولد :


يوه يابابا


دي 5 جنيه بس


ولا أقول لك خليها 3 وبلاش جيلاتي


الأب :
ما عنديش فلوس ...
لو عايز فلوس روح بيع الفرخة التعبانه بتاعتك اللى انت قارفنا بيها
الولد :
بس دي تعبانه ومش بتاكل


ومحدش هيشتريها


الأب :
مليش دعوه


دبر نفسك


الولد استسلم للأمر الواقع


واخذ الفرخه ونزل الشارع


أول واحد قابله في وجهه


من سوء حظه كان أبوه....


قاله الولد :
بابا تشتري فرخه


الأب :
امشى من وشي
قال أشتري فرخه قال .. كان غيرك أشطر


الولد :


خلاص يا عم ... بلاش المعامله دي
ربنا هيرزق ان شاء الله




وصل الولد لآآآخر الشارع ومعاه الفرخه



في محاولة يائسة إن الفرخه تتباع



عرض الفرخه على أهل الحارة كلهم
ولا واحد فيهم قبل إنه يشتري الفرخه



قال الولد :


ممممممممم,


والله مفيش الا فلانه جارتنا



عقلها خفيف وأكيد هقدر ألعب عليها بسهوله


فلانة دي


كانت متجوزه
راح لها الولد عشان يبيع لها الفرخه


الولد :
تشتري فرخه يا طنط


الست:
أهلا يا قمر ازيك يا واد يا مضروب انت عامل ايه
تعال قرب مني عشان أبوسك !!!


الولد :
انا مش فاضيلك
خذي مني الفرخه وخليني أروح


الست:
تروح فين يا عمري !!
أنا ما صدقت إني شفت ولد عندي في البيت ...


الولد :
يا طنط خذي مني الفرخه وخليني أغور


وفجأه



الباب خبط



خافت الست جدا




وقالت للولد :


تعال إستخبى هنا في الدولاب


ليكون جوزي و نروح في داهيه.


حطت الولد في الدولاب وراحت فتحت الباب


ولحسن الحظ ما طلعش جوزها

الست:


يا أهلا بعمري وحياتي


الرجل اللي كان بيخبط :


اهلا بيكي يا قلبي ...


لسه الرجل بيكمل كلمته وملحقش يكملها


إلا والباب خبط تاني


الست :
يا نهار زي الطين يا دي المصيبه
دا شكله جوزي......


تعال وادخل في الدولاب


دخل الراجل فعلا فى نفس الدولاب اللي فيه الولد صاحبنا


وفجأة



في عز الظلام سمع صوت يكلمه داخل الدولاب ويقوله :


تشتري فرخه يا

الرجل :


شششششش..شششششش وطي صوتك
وطي صوتك يا مجنون هتفضحنا


الولد :


يا عم بقولك تشتري االفرخه دي هفضحك ايه
إنت هتصاحبني


الرجل :


يا خويا خلاص هشتري الفرخه بس وطي صوتك...


الولد :


طيب خلاص هوطي صوتي


الرجل :


بس هتبيعها بكاااااام


الولد :


ب 100 جنيه


الرجل :


ايه !!!!! الفرخه ب 100 جنيه ليه تكونشي فرخه دهب ؟؟؟

الولد :


يوووه يا عم بطل لوك لوك لوك لوك أكلت دماغي هتشتري ولا ارفع صوتي



الرجل :

لا لا خلاص..... ابوس إيدك
اشتري وأمري لله


بعد 5 دقائق


الولد :


عمو .... تبيع الفرخه اللي معاك دي


الرجل :


ما انت لسه بايعها لي يا إبن الحلال !!


الولد :
تبيعها لي ولا ارفع صوتي وأهيص


الرجل :


لا لا خلاص....صبرني يا رب


أبيعها وامري لله
بكام تشتريها


الولد :





بجنيه يا عمو


الرجل :


أيه !! بجنيه !!!!
دا أنا مشتريه منك ب 100 جنيه وأنت تشتريه مني بجنيه !!!!!


الولد :


تبيعها لي ولا ارفع صوتي وأهيص


الرجل :


لا لا خلاص
بجنيه وأمري لله


بعد 5 دقايق كمان


الولد :


عمو ... تشتري فرخه


الرجل :


انت اتجننت يا واد إنت ما أنا لسه بايعها لك


الولد :


هتشتري ولا ارفع صوتي وأهيص


الرجل :


لا لا خلاص....
أشتري وأمري لله...
هتتهبب تبيعها بكااااااام .. ربنا ياخدك


الولد :


ب 200 جنيه


الرجل :


ليه ان شاء الله
انا لسه مشتريها ب 100 جنيه


الولد :


لاحظ إن صوتك إنت هو اللي إبتدي يعلي
هتشتري ولا ارفع صوتي انا كمان


الرجل:


لا لا خلاص....
أشتري .. أشتري وأمري لله


بعد كمان 5 دقائق غير اللي فاتو


الولد :


يا عمو يا عمو ... تبيع الفرخه دي


الرجل :


نعم!!!!!.....
بكام تشتريها ؟


الولد :


بجنيه


الرجل :


عايزني اقول ايه
اعيط ولا اشق هدومي
يالله خذ الهبابه الفرخه ... و ببلاش مش عاوز فلوس


ويا دوب الواد أخد الفرخه إلا والست فتحت الدولاب
وقالت لهم :


يلا ..يلا بسرعه امشو جوزي في الحمام..


طلع الرجل من الدولاب وجرى والواد وراه



المهم...


قام الولد يتمشى في الشارع وهو فرحاااااان موت
إن بقى معاه فلوس..وكمان الفرخه بتاعته لسه معاه


رجليه أخدته علي البيت وأول ما دخل قابل أبوه في وشه وراح قايل لابوه


تشتري الفرخه يا بابا


الاب بصله والشر هيطلع من عيونه وقال له :


الله يخرب بيتك مش مكفيك 300 جنيه

الولد :

ايه دة هو انت الكنت معاية في الدولاب؟

ابوه :

ايوة يا فقري

الولد :

حتى انت يا بابا ......
الرجوع الى أعلى الصفحة اذهب الى الأسفل


~عضو جديد~

~عضو جديد~
.معلومات.اضافية
اڷمڜارگات »• اڷمڜارگات »• : 5
نقاط التميز »• نقاط التميز »• : 2459
الأنتساب »• : 01/08/2011
مرات الشكر »• مرات الشكر »• : 0

معاينة صفحة البيانات الشخصي للعضو
مُساهمةموضوع: رد: الولد والفرخة بتاعتو    الثلاثاء 2 أغسطس 2011 - 18:45

شكراا لك على التوبيك الرائع

نور المنتدى موضوع

ننتظر ابداعك القادم
ـــاركـ فيك
تح
ــياتي
وشكري ليك
الرجوع الى أعلى الصفحة اذهب الى الأسفل
 

الولد والفرخة بتاعتو

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
احلام القمر :: المنتديات الترفيهية :: منتدى التسالي والألعاب-